A few gujarati writeups from my thought book,

these were written years before.....



હું તારા રુપ થકી મારા જન્મારા ને જીવી જવાને આવ્યો છું

તારી આંખમાં આજે ડુબી જવાને આવ્યો છું,
હું તારા રુપ થકી મારા જન્મારા ને જીવી જવાને આવ્યો છું!

કંઇક કહેતા કંઇક અટકતા કંઇક શરમાતા કંઇક ઝઘડતા
તારી સાથેના એ એક એક પળ ને માણી જવાને આવ્યો છું,
હું તારા રુપ થકી મારા જન્મારા ને જીવી જવાને આવ્યો છું!

તારી એ આંખ માં ઘુઘવાતો દરિયો અને સ્મિત મહી રહેલો એ શરારત નો પડિયો,
એક એક તારા એ શરારતી નખરાને મારા આ હ્રદિયામાં ભરવાને આવ્યો છું,
હું તારા રુપ થકી મારા જન્મારા ને જીવી જવાને આવ્યો છું!

મારી આ વાત અને મારા આ શબ્દોથી હું આજે
તારા એ ગોરાશા ગાલ પર ગુલાલી લાલીમાં પાથરવાને આવ્યો છું,
હું તારા રુપ થકી મારા જન્મારા ને જીવી જવાને આવ્યો છું!

*******************************************************************************************************

એના આગમનની રાહમા

એના આગમનની રાહમા
શમણાઓ ઉઠતા મારી રુહમા
એના પહેલા રુદનની કલ્પનામા
સ્મિત ફરકતુ મારા દિલમા
એ ઘડી અને એ પળ જ્યારે આવશે
શુ આખમા મારી ત્યારે આટલા જ પાણી આવશે?

*******************************************************************************************************

તુજ ને અર્પણ

હુ અને તુ બે આમ જ અચાનક જ્યારે મળી ગયા હતા,
ત્યારે તો ખબર નહોતી કે જીવન આખાનો સાથ છે,
પણ વાતો ત્યારની મને હજી પણ યાદ છે!!
શું તે વિચાર્યુ હતુ કે જીવન આખુ બસ આવી જ મુલાકાતોનો ઘાટ છે??
કે બસ એમજ તે એ દિવસે વાતો માં તારી તે મને ઉલઝાવી રાખી'તી,
કે પછીની વધતી મુલાકાતો માં તારો પણ એટલો જ હાથ છે??

*********************************************************************************************************

ગેરસમજ નુ જાળુ

ચારે તરફ અંધારુ છે, ક્યાંક ગેરસમજનુ જાળુ છે;
સંબંધોના તાણાવાણા આ જાળામાં અટવાયા છે;
કયાંક નિર્મળ પ્રેમનુ ઝરણુ છે, પણ વ્યક્ત થવા અટવાતુ છે;
ક્યાંક દુઃખ છે, તો કયાંક રહેલુ સુખ છે;
સુખ-દુઃખના આ ખાતા માં સંબંધો ને સ્થાન નથી;
મારુ મન બિચારુ પ્રેમ ભુખ્યુ કારણ વગર અટવાયુ છે,
ત્યાં જવું તો છે પણ શું કરુ ત્યાં જ તો ગેરસમજ નુ જાળુ છે!!!

*******************************************************************************************************

જીં દગીનો સામનો એ બધા જ વિઘ્નો કરતા મુશ્કેલ છે,
પરંતુ કોશિષ એ જીંદગીની સૌથી મોટી સફળતા છે.

*******************************************************************************************************

મારી મનોકામનાઓ

આજે મનોકામનાઓ કડડભૂસ થાય છે,
ધાર્યુ નથી થતુ એ તો આજે સમજાય છે.
વિચારોના મહેલો સંજોગો આગળ નમે છે,
જીવનમા ઉતાર-ચઢાવ મારે પણ થાય છે.
વિશ્વાસની નજર મારી ભૂલી પડી જાય છે.
ઇચ્છાઓ આજે મારી તુટી-તુટી જાય છે,
નિરાશાની અગ્નિનો દાવાનળ થાય છે,
તો પણ ક્યારેક તો થશે અજવાળુ એ એક જ આશે,
જીવન મારુ વિતિ-વિતિ જાય છે!